Ретки фотографии од седиштето на “Аpple”... Како изгледа местото каде што се креираат некои од најпосакуваните гаџети?

Купертино е калифорниски град кој се наоѓа во Силиконската долина, најпознат е по тоа што таму е седиштето на една од најпознатите и најбогатите компании на светот, “Apple”.

На интернет најчесто може да се видат фотографии од надворешноста на компанијата, но порталот “Apple Gazette” пронашол фотографии од внатрешноста на седиштето на овој храм за гикови.

Единствено место во кампусот кое е отворено за посетители е продавницата со производи и сувенири со логото на “Apple”.

Вработените имаат кантина, храната таму не е бесплатна, но затоа е евтина и многу здрава. За време на паузата вработените можат да користат кошаркарско игралиште, теретана, фудбалче и многу други различни содржини.

Ќе видите и фотографии од “Apple Town Hall”, местото каде што се организираат конференции за новинарите кога се претставуваат најновите производи.