Google го објавил првиот опис на својот проект поврзан со очилата низ кои се гледа „проширена реалност“...

Со тоа се потврдени гласините дека Google работи на нова технологија која комбинира реален и виртуелен свет.

Google на својата социјална мрежа Google+ објави кратка видео снимка поврзана за Project Glass, кој моментално е во фаза на тестирање.

Филмот ги пренесува гледачите зад очилата со футуристички изглед, со мали камери од страната. Тие овозможуваат да се сними некоја сцена од надворешниот свет, како што е плакат за одреден концерт и на тоа да се додаде виртуелен 3D слој кој содржи информации од интернет, како што се линкови за продажба на карти за концертот од плакатот.

Микрофоните интегрирани во очилата овозможуваат објавување на повици, гласовно, кон интернет линкови, без разлика дали се работи за редот на возење, метеоролошки податоци или пораки до пријателите.