Американецот Стив Мејхен од Калифорнија стана првиот слеп човек кој возел автомобил - посебно адаптирана Toyota Prius.

„Ова би ми го променило животот затоа што ми дава независност и флексибилност да одам на места на кои сакам или на кои треба да одам“, рече Мејхен по возењето со автомобило кој заедно го направиле компаниите Toyota и Google.

Посебно подесеното возило за слепи личности е опремено со ласерски трагач кој ја вчитува околината и одговара на GPS сигнали. Цената на автомобилот е 70.000 долари.

„Уште има многу да се работи на дизајнот и да се направат мноштво проби, но сега безбедно завршивме повеќе од 300.000 километри возење водено од компјутер“, соопштено е од компанијата Google.

Подготовките за овозможување на движење на „самовозечките“ автомобили почнале ширум светот, а државата Невада минатиот месец стана прва во САД која ги легализираше ваквите возила.