Возрасните поминуваат повеќе од 15 часа неделно на интернет - што е пет часа повеќе отколку пред шест години...

Осум од десет возрасни луѓе се поврзуваат на интернет преку разни уреди, што претставува зголемување од 20 проценти во однос на 2005 година, открила анкетата на Офком, сервис за мониторинг на медиумите. Виновни се постојаниот пораст на популарноста на социјалните мрежи и новите технологии, како што се смaртфоните.

Анкетата покажа дека 59 проценти од возрасните корисници на интернет имаат профил на некои од социјалните мрежи, а од овој број две третини ги посетуваат овие сајтови секој ден. Во 2007 година тоа го правеле само една третина.

Исто така, веќе не е интересно да се следи растот на интернет корисници кај помладите генерации, со оглед дека поврзаноста на интернет помеѓу младите е повеќе правило отколку исклучок, па сега се мери растот на корисниците кои се на возраст помеѓу 45 и 54 години. Спротивно на тоа корисниците над 75 години се речиси целосно исклучени од целата таа интернет манија. Речиси девет од десет луѓе над 75 години не го користат интернетот ниту пак користат уреди преку кои ќе можат да се приклучат.

Оваа анкета е направена во Англија, но се мисли дека и во другите земји не е ништо поинаку.