Аpple тврди дека новиот iPad е во склад со термичките стандарди, иако тестовите покажуваат дека тој таблет се загрева за околу пет степени повеќе од претходниот модел.

Поголемото загревање на новиот таблет во однос на претходниот модел iPad 2, го открил холандскиот интернет сајт Tweakers.

Љубопитните љубители на технологија утврдиле дека новиот уред повеќе се загрева подложувајќи ги двата таблети на тест на специфичниот GLB тест, а потоа ја мереле нивната температура со помош на термичка камера.

Температурата на новиот iPad изнесувала 33,6 степени, а iPad 2 се загреал до температура од 28,3 степени. Утврдено е дека десниот долен дел на таблетот е најтопол.

Меѓутоа, објаснувањето не е во врска со некоја грешка во изработка на уредот, туку со функционирање на процесорот и неговиот четворојадрен графички дел.

Причина може да биде и батеријата чија големина е зголемена за да може да обезбеди автономија на функционирање од десет часа, додека перформансите врзани за прикажување на содржината се дуплирани.