Аpple објавил дека продал рекордни три милиони iPad-и од 16 март, кога овој уред се појави на пазарот.

„Новиот iPad е ‘блокбастер’, ги соборува рекордите во продажба, а ова е најдоброто лансирање на уред од iPad палетата досега“, изјавил Филип Шилер, директор за маркетинг во компанијата Apple.

„Купувачите се воодушевени од можностите на новиот iPad, посебно со фантастичниот Ретина екран, и едвај чекаме уредот да биде пуштен во продажба во уште земји ширум светот во петок.

Новиот iPad достапен е во 12 земи, а продажбата во уште 24 земји почнува на 23 март во осум часот наутро по локално време.