Во Кина се прават божемни Louis Vuitton чанти, Prada чевли, венчалниот фустан на Кејт Миделтон, но и MacBook Air на компанијата Аpple.
Кинеската фирма ST (Shenzhen Technology) направила ултратенок пренослив компјутер дизајниран исто како Apple MacBook Air.
Се работи за уред кој има, меѓу другото, екран од 13 инчи каде можат да се прикажуваат слики од 1.366 х 768 пиксели, процесор Atom N2800 од 1,86 гигахерци, 2 гигабајти RAM меморија и хард-диск SSD од 32 гигабајти.
„МacBook Air made in China“ има читач на картички и конектор VGA/RJ45. „Дебел“ е нешто помалку од еден сантиметар, а тежок е 1,36 килограми.
