Сите примероци на новиот iPad таблет од претпродажните залихи добиле свои сопственици.

Иако се уште се нема официјално појавено во продажба, новиот iPad е распродаден. Љубителите на познатата „јаболка таблет“ кои не го резервирале на време својот примерок ќе мораат да го почекаат овој уред малку подолго отколку што планирале.

Претставниците на компанијата Apple објавиле во официјално соопштение дека сите почетни залихи на таблетот наменети за претпродажба пронашле свои купувачи.

Заинтересираните купувачи ќе можат да набават нов iPad кај овластените продавачи дури кога ќе биде во редовна продажба, по 16 март.

Испорачките на веќе купените таблети се одложени, па уредите ќе бидат во раце на сопствениците три дена подоцна од утврдениот датум.

Аналитичарите очекуваат дека Apple ќе продаде околу 9 милиони iPad уреди до крајот на април.

Цената на основната верзија на новиот iPad модел ќе биде иста како и до сега, 499 долари, додека моделите кои имаат можност да користат 4G картички од мобилни мрежи ќе чинат меѓу 629 и 829 долари.