Не многу одамна, Microsoft направи видео приказ на својата визија за иднината на компјутерската и мобилната комуникација, а сега го покажуваат и првиот чекор кон таа визија - IllumniShare.

IllumniShare е систем кој овозможува двајца (или повеќе) луѓе да влегуваат во интеракција со разни објекти на далечина, од пишување документи до играње игир (како на пример - карти).

Тоа што е интересно и важно да се спомене е дека документот не го пишувате типкајќи по тастатурата, туку по хартија со вистинско пенкало, а исто така и картите со вистински харти. „Штосот“ е во тоа што вашиот партнер се наоѓа на другата страна на светот.

За што се работи? Значи, тоа е многу паметен спој на проектор, камера и површина за пишување или играње. Значи, поректорот и камерата меѓусебно комуницираат и бележат се што вие правите и инстантно го пренесуваат тоа на другиот компјутер и прикажуваат забележано. Со оглед за тоа дека се работи за нормална камера, можат да се користат и вистински објекти како коцки, карти и хартија.

Недостатокот на системот е тоа што манипулирате со објектите кои се на вашата страна, а не и со оние од другата страна на проекторот. Сепак, нивото на интеракција преку IllumniShare е голема, а како точно функционира, погледнете во приложеното видео.