Пристигнува нова серија од моделот Galaxy Tab...
Galaxy Tab 2 на Самсунг се претставени во Барселона во понеделник, првиот ден од Mobile World Congress. Вестите за моделот од 7 инчи се појавиле пред неколку недели, а сега е потврдено дека и таблетот од 10.1 инчи доживеал "дотерување". Овие два таблета прво во продажба ќе бидат пуштени во Велика Британија во март, а потоа и во други земји.
Новите Galaxy Tab-ови доаѓаат со Ice Cream Sandwich оперативниот систем, и ќе бидат првите таблети со Андроид 4.0.
Додека Самсунг "испробал" вкупно 4 димензии на таблетот за време на 2011 година, Galaxy Tab 2 доаѓа во две големини. Ќе биде интересно да се следи понатамошниот развој во оваа област, дали да ги промени своите димензии, или компанијата ќе се одлучи за една.
Спецификациите на Galaxy Tab 2 10.1 и Galaxy Tab 2 7.0 се слични. Овие модели имаат dual-core procesor од 1GHz, 1GB RAM, дисплеј од седум, односно 10.1, камера од 3 мегапиксели за задната страна и VGA камера на предната страна наменета за видео повици. Што се однесува за капацитетот на складирање на податоците, доаѓа во различни верзии, од 8, 16 и 32GB.
