Koга Ерик ќе гризне банана, станува Бананамен, а кога ќе облече панталони кои имаат тастатура, ќе стане вистински магнет за погледи...

Панталоните на новиот милениум имаат повеќе намени. Дазајнерското дуо од Холандија, развиле идеја на нови фармерки кои нудат полесна употреба на преносливи уреди, како лаптопи и тастатура. Производот на компанијата Nieuwe Heren, претставува интересен спој на модата и технологијата.

Идејата на дизајнерот потпира врз идејата дека корисниците не секогаш сакаат да седат на бирото. Работата во удобна фотелја, со тастатура на панталоните и глувче кое може да го чувате во џебот, е сон на многу уживачи на современи технологии.

Овој несекојдневен производ има и една мана. Всушност, сите букви на тастатурата се наоѓаат на левата нога, така да куцањето не е во целост олеснато. Одделените букви на двете нозе би било одлично решение за новата верзија на овој производ.

Дизајнерите проценуваат дека цената на футуристичките панталони ќе се движи околу 400 долари. За жал, овие панталони нема наскоро да можете да ги пробате во некој од трговските центри, бидејќи слободната продажба се уште не е објавена.