Ако немате секогаш шанса без мака да се „закачите“ на интернет, Google има решение.

Очилата со монитори со помош на кои електронската пошта и интернет страниците би биле на само неколку сантиметри од очите, би можеле да бидат во продажба веќе кон крајот на оваа година.

Паметните очила ќе имаат сензори за движење и систем навигација, што на корисниците ќе им овозможи да дознаваат информации за зградите во кои се наоѓаат или како полесно да пронајдат одредени адреси.

Интернетот ќе биде достапен со помош на мобилните мрежи 3G или 4G. Овие очила ќе имаат процесор налик на оној на паметните телефони, со оперативен систем Android, а за навигација може да послужи едноставно движење со главата.

Цената на овие Google очила ќе изнесува меѓу 200 и 600 долари.