Не ли би било корисно телесната температура да ја искористиме за производство на електрична енергија? Наскоро технологијата би можела да овозможи со само еден допир на мобилниот да дадеме доволно струја за нов повик...

Нанотехнологијата е навистина чудесна работа, уште еднаш тоа го докажале научниците, кои направиле уред кој температурната разлика ја претвара во електрична енергија.

Уредот се вика Power Felt и направен е од мали јаглеродни наноцевки, кои се наредени во флексибилни пластични влакна.

"Трошиме голема количина на енергија во форма на топлина, благодарение на енергетските губитоци на автомобилот, би можеле да го зголемиме неговиот радиус на движење со еден резервоар и да ги напојуваме радиото, климата и системот за навигација", истакнал истражувачот Кореј Хјуит, а истражувањето е објавено во журналот Нано Летерс.

"Гледајќи генерално, термоелектриката е премалку развиена технологија, а од друга страна обезбедува многу можности", рекол Хјуит.

Потенцијалните начини за употреба на Power Felt го вклучуваат и тапацирот на седиштата во автомобилот преку кој го полниме акумулаторот и ги задоволуваме потребите за електрична енергија, потоа изолациони цефки и собирање на топлина од кровот со намалување на потрошувачката на плин, вградување во спортската облека за да се прикажуваат податоци за отчукувањата на срцето, притисокот, нивото на шеќер итн.

"Замислете го и како прибор за прва помош, намотан околу рачна светилка или како полнач за мобилен", нагласил Дејвид Керол, директор на центарот за нанотехнологија и молекуларна материја.

Досега цената била единствената препрека за термоелектрика во нејзината секојдневна употреба. Термоелектричните уреди кои денес се користат, користат многу ефикасен сложен материјал 0 бизмут телурид, со чија помош топлината се претвара во електрична енергија. Се користи во производите како преносливи ладилници и за ладење на процесорот на компјутерите. Проблемот е тоа што килограм од овој материјал чини дури 1.000 долари.