Околу 6.400 лозинки за пристапување на популарниот сајт YouPorn кружат низ интернет поради пропуст во заштитата на податоци...

До пропустот дошло за време на најавата за користење на чет, така да сега, емајлите и имињата на многу корисници "протекле" во јавноста.

"Сајтот не бил мета на хакерски напад, туку проблемот настанал поради недостаток на соодветни мерки за заштита во обезбедувањето на податоците за клиентите", изјавила за AP Кејт Милер, портпарол на компанијата Manwin Holding SARL во чие сопствеништво е YouPorn.

Покрај тоа што е загрозена приватноста на корисниците на сајтот, тие сега се на мета и на хакерите кои можат да ги искористат нивните лозинки за да влезат во емајлите, PayPal и Amazon профилите.

YouPorn е еден од најпопуларните порнографски сајтови со оглед на тоа дека секојдневно го посетуваат околу 60 милиони корисници.