Таканаречениот "студентски" таблет кој чини 35 долари, на пазарот се појавил во октомври минатата година, а компанијата Datawind развила напредна верзија на Aakash која чини околу 50 долари и има многу апликации...

Британската технолошка компанија Datawind соопштила дека сега го подобрила најефтиниот таблет за безжичен интернет пристап.

Еден од основачите на компанијата Сент Синг Тули рекол дека и други компании нудат направи со безжичен пристап на интернет, како што се Apple, Samsung...но дека тие компании не се конкуренти, бидејќи имаат тенденција на друг тип на купувачи.

"Тоа во целост е друго прашање. Луѓето со помали приходи во неразвиените земји сакаат да дојдат до својот прв уред", рекол Тули.

Некои компјутерски експерти велат дека кај Aakash таблетите, екранот е премногу тенок, бавно одговара на команди, има ограничен број апликации и кратка трајност на батеријата.