Со оваа апликација од фотографијата можете да ги тргнете сите непосакувани личности...

Scalado Remove е апликација која ги анализира фотографиите, а потоа ги означува предметите кои можат да се отстранат. Тоа би требало да го олесни сликањето на плоштад полн со луѓе.

Сега се појави апликација за смартфони која сета работа со бришење и фотошопирање ги сведува на еден клик. Поточно, ви олеснува да направите идеална фотка на плоштад полн со луѓе без да чекате половина час идеален кадар без случајни минувачи, пишува Daily mail.

Апликацијата Scalado Remove за Андроид смартфоните работи така што сними неколку фотки во низа, ги анализира и прави една која може да се уредува. Изгледа како и другите апликации за фотографирање, а се што корисникот треба да направи е да го притисне чкрапалото, а откако Remove ќе го обработи своето, ќе прикаже предмети кои можат да бидат отстранети.

Engadget пишува дека апликацијата е уште во фаза на прототип и дека постои неколку грешки и проблеми со работата, но истакнува дека е интуитивна и моменталната фаза работи многу добро.

Произведувачот Scalado ќе ја претстави на Mobile World Congress во Барселона овој месец.