Европската комисија му одобрила на Google за 12.5 милијарди долари да ја превземе Motorola...
Oдделот на европската унија за заштита на конкуренцијата, му одобри на интернет пребарувачот Google да го превземе производителот на мобилни телефони Motorola за 12.5 милијарди долари, оценувајќи дека тој договор нема значително да влијае на пазарот на паметни телефони и оперативни системи, смартфони или патенти за мобилни уреди, како што се мобилните телефони и таблети.
"Ја одобривме компанијата Google да ја купи Motorola бидејќи после внимателен преглед заклучивме дека таа трансакција нема да ја наруши конкуренцијата", изјавил комесарот на ЕУ за конкуренција, Витор Жоакин Алмунија.
Европската комисија оценила дека не постои опасност Google после превземањето на моторола да ги спречи другите производители на мобилни телефони да го користат популарниот оперативен систем Андроид, пренесуваат агенциите.
