Најновиот Fujitsu таблет е отпорен на вода. За сега може да се купи само во Јапонија, но произведувачот вели дека овој водоотпорен уред наскоро ќе се појави и во Европа.

Arrows Tab F-01D LTE од 10,1 инчи, работи на оперативен систем Android, тежок е околу 600 грама, а со дебелина нешто помалку од 13 милиметри.

Има двојадрен процесор на 1 GHz, USB порт и поддршка за Wi-Fi. Екранот е со резолуција 1280 х 800, а задната и предната камера се од 5,1 односно 1,3 мегапиксели.

Она најважното во врска со овој таблет е фактот што не му смета вода, дури може и да се стави во вода на длабочина до еден метар!

Значи, додека надвор вее снег, вие наполнете ја кадата со топла вода, влезете внатре, вклучете го Arrows Tab LTE F-01D и не грижете се дали ќе се намокри.

А пак во лето, на плажа или на базен...