Компанијата Microsoft во документацијата објавена по повод отварање на своите мрежни продавници на апликации за Windows, Windows Store, откри дека ќе може да онеспособи или дури и да избрише апликации од уред на кој се наоѓа Windows 8.

Едноставни команди со кои апликациите се деактивираат или бришат, познати како „убиствени прекинувачи“ - KS (kill switch), чести се во продавниците за апликации за мобилни уреди.

Во документот за услови на користење на продавницата на Microsoft, компанијата јасно истакна дека ќе „го претиска“ тој прекинувач по сопствена желба.

„Во случаи кога е загрозена безбедноста или кога сме принудени тоа да го направиме од законски причини, можеби нема да можете да ги извршувате апликациите за кои сте купиле лиценца, или да пристапувате до содржина која претходно сте ја набавиле“, наведено е во документот на Microsoft.