Судот во Париз го одбил барањето на компанијата Samsung да се забрани продажбата на Apple мобилниот телефон iPhone 4S на францускиот пазар поради, како што навела јужнокорејската компанија, кршење на патентот поврзан за технологијата од третата генерација 3G...

Судот оценил дека не дошло до прекршување на патентот, пишуваат француските електронски медиуми.

Самсунг треба да и плати на компанијата Apple 100.000 евра за судските трошоци.

Оваа јужнокорејска компанија, сепак, сеуште не соопштила дали ќе поднесе жалба на судската пресуда.

Samsung и Apple веќе некое време се во судски спор порати тоа што американската компанија ја обвинила јужнокорејската дека го копира iPad и iPhone и ги прекршила правата на патент.