По повод превземањето на повеќе од 10 милијарди апликации од Android Market, во наредните 10 дена, најпопуларните апликации на корисниците ќе им бидат достапни за 10 центи...

Компанијата Google во наредните 10 дена ќе им овозможи на сите корисници на мобилни телефони со Андроид оперативен систем, купување на најпопуларните апликации по симболична цена од 10 центи.

Google на тој начин го одбележува симнувањето на повеќе од 10 милијарди апликации од својот Google Android Market, се наведува во официјалниот блог на компанијата.

Софтверскиот гигант од Калифорнија, наведува дека нивниот Android Market е најбрзо растечка продавница на пазарот со месечни превземања од милијарда апликации.

Меѓу апликациите кои ќе можат да се купат по симболична цена се Asphalt 6HD, Minecraft, Endomondo Sports Tracker Pro и Swiftkey X, наведува Google.

На Андроид му биле потребни 22 месеци да достигнат милијарда превземања, но само 2 месеци да достигнат уште 9 милијарди.

Од друга страна, главниот конкурент на мобилниот пазар, компанијата Apple им требало само 9 месеци да достигнат милијарда превземања.

iPhone и понатаму е лидер на пазарот, но експертите очекуваат дека тоа наскоро ќе се промени.

Андроид платформата на почетокот на оваа година стана најпопуларна во светот, превземајќи ја лидерската позиција од оперативниот систем на Нокиа, Symbian.