Фејсбук се подготвува за излегување на берзата, а експертите очекуваат дека ќе достигне вредност од 100 милијарди долари...

Акциите ќе бидат понудени во периодот од април до јуни 2012 година, а се очекува дека во првиот круг ќе се добијат 10 милијарди долари.

Излегувањето на Фејсбук на берзата се очекува со години како одлучувачки момент за новиот бран од инвестиции во бизнисот на интернет. Компанијата до сега не објавила јавно за плановите за продажба на своите акции на берзата, а портпаролот Лери Ју изјавил дека "Фејсбук не сака да се занимава со некакви шпекулации".

Се проценува дека Фејсбук ќе се појави на берзата во време кога инвеститорите почнуваат да истражуваат некои нови инвестиции во бизнисот на интернет.

Во Фејсбук моментално се разгледува дали на пазарната комисија во САД да се достави барање за излегување на берзата, што би можело да се случи веќе до крајот на годината, а конечната одлука сеуште не е донесена.

Фејсбук е основан 2004 година, денес има 800 милиони корисници, а на берзата би можел да дебитира со профит од повеќе од четири милијарди долари.