Роботите денес можат да направат многу работи, дури и да го решат проблемот со ’рчењето. Еден таков се вика Jukusui-Kun.

Jukusui-Kun или Длабок сон е перница-мече која оној што ’рчи го врти на другата страна.

Всушност, станува збор за робот кој има вграден микрофон со кој го препознава ’рчењето, како и механичка шепа со која нежно го поместува бучниот спијач.

Освен тоа, овој робот со помош на вградени сензори го мери и нивото на кислород во крвта, со оглед на тоа дека личностите кои ’рчат ризикуваат да останат без кислород.

Овој робот е претставен на Меѓународната изложба на роботи IPEX, која беше одржана во Токио од 9 до 12 ноември.