Google призна за постоењето на својата тајна лабораторија Google X, во која експериментираат за чудните и неконвенционални концепти, а за кои повеќето вработени не ни знаат...

Лаботоријата, како што наведува Дејли Мејл, веројатно се наоѓа во калифорнискиот комплекс на Google, познат како Googleplex. "Google отсекогаш беше заинтересиран за истражување на нови идеи, тоа е во нашата ДНК", рекол портпаролот на интернет гигантот.

Во Google X лаботоријата, инжинерите очигледно имаат слобода да работат и на идеи кои звучат лудо, како што се фрижидери кои сами ја подредуваат храната, работи кои се поврзани со социјалните мрежи, па дури и лифтови кои водат во вселената.

Секако, тоа не е изненадување дека технолошките компании имаат истражувачки лаборатории. Лабораторијата на Apple, Jonathan Ive е место каде инжинерите ги усовршуваат уредите како што се новиот iPhone или iPad, a објектот е чуван како да е воена база.

Но, Google e целосно помалку конвенционален во своите проекти. Веќе долго е познато дека во таа компанија постои неофицијална политика во која инжинерите можат 20% од своето работно време да го посветат на експериментирање со сопствените идеи.