Е-носот работи на батерии и личи на алкотестовите кои ги користи полицијата за регистрирање на трагови алкохол во здивот на возачите.

Група индијски научници денеска објавила дека е пред развој на „електронски нос“ кој може да регистрира случаи на туберкулоза во здивот на пациентите, со што се овозможува брза дијагностика.

„Електронскиот нос“ наречен Е-нос функционира со помош на батерии и личи на алкотестовите кои ги користи полицијата за регистрирање на трагови алкохол во здивот на возачите.

Пациентот дува во уредот и приемниците детектираат честички на туберкулоза, што е речиси моментален и многу сигурен дијагностички метод, сметаат научниците.

Истражувачите се надеваат дека прототипот на тој уред ќе биде подготвен за клинички испитувања до октомври 2013 година.

Уредот ќе чини меѓу 20 и 30 долари (од 15 до 22 евра).