Математичарите пресметале дека вкупната тежина на светската мрежа е околу 50 грама, пренесува, Дaјли Mејл...
Интернетот е тежок колку една поголема јагода, утврдиле британски научници, кои со тежината на светската мрежа се забавиле откако дознале дека "Гадџетите" добиваат на тежина по складирање на повеќе информации.
Еден математичар неодамна открил дека уредот Kindle за читање на електронски книги добива на тежина кога од интернет се симне нова книга, бидејќи електроните на кои се чуваат информациите добиваат на енергија.
Користејќи ја таа логика, британските научници ја земале во предвид претпоставката дека во светот работат 75 до 100 милиони сервери приклучени на мрежата, не вклучувајќи ги домашните компјутери, и дека на интернет се достапни околу 5 милиони терабајти на информации. Тие дошле до заклучок дека целиот интернет е тежок околу 50 грама, односно колку една поголема јагода.
