Свитливите телефони иако звучат како научна фантастика, тие ќе пристигнат за неколку месеци од компанијата Самсунг...

Компанијата Самсунг најави дека најновите свитливи телефони на пазарот ќе се појават во првите месеци од 2012 година.

"Флексибилниот екран ќе го претставиме во текот на следната година, се надеваме во првата половина на 2012 година", рекол Роберт Ли, еден од директорите на Самсунг на конференцијата која ги сумира резултатите на компанијата.

Тој објасни дека првите уреди на кои оваа технологија ќе биде применета ќе бидат мобилните телефони, но во план се тоа да го направат и на таблети.

Самсунг AMOLED свитливите екрани со дијагонала од 4.5 инчи и дебелина од 0.3 милиметри го претставил уште во јануари оваа година. Технологијата се состои од употреба на материјал кој создава светлост во секој пиксел, така да не е неопходно позадинско осветлување.

Од компанијата најавуваат дека ќе го следат успехот на смарт телефонот Galaxy S II, кој во првите пет месеци се продал во 10 милиони примероци, а според податоците на Strategy Analytics, Самсунг во третото тромесечие на оваа годиа испорачал 27.800.000 смарт телефони.