Дали некогаш сте се запрашале како изгледаат часовниците на иднината...?

I`m Watch е рачен часовник со 1.54 инчен екран на допир, базиран на Андроид. Го смислила италијанската компанија "I`m". По пат на блутут се поврзува со вашиот смартфон и ви овозможува сите новости да ги следите од својот зглоб.

Освен што можете да ги видите пораките и емајлите, се поврзува и со социјалните мрежи како Фејсбук и Твитер. На овој паметен часовник можете да ја проверите временската прогноза, распоредот на состаноците или едноставно да уживате во музиката. Освен звучник има и вграден микрофон па со него можете и гласовно да управувате. Тежината му е 70 грама.

За сега можете регистрирате за овие часовници, кои доаѓаат во разни весели и откачени бои за да може секој да пронајде идеален примерок за себе.

Почетната цена му е 299 американски долари. На пример, еден со ремен направен од бело злато и украсен со дијаманти, вреди дури 12 илјади американски долари. Од италијанската компанија порачуваат дека првите примероци до корисниците треба да стигнат дури за 30 јануари следната година.