Местото е избрано со цел да се искористи ладната клима која ги лади компјутерите на природен начин...

Социјалната мрежа Facebook планира да изгради голем сервер центар во Северна Шведска, во близина на поларниот круг.

Местото е избрано со цел да се искористи студената клима која ќе ги лади компјутерите на природен начин. Ова го соопшти шведскиот весник Norrbottens Kuriren.

Се очекува социјалната мрежа да го објави официјално плановите денес - 27 октомври. Објектот ќе биде изграден во близина на шведскиот град Лупеја, кој се наоѓа 100 километри јужно од поларниот круг.

Серверите во центрите за податоци се основата на интернет услугите како Фејсбук мрежата, која со последните проценки располага со 800 милиони активни членови низ светот.

Градските власти во Лулеја порано соопштија дека водат разговори со "Американска водечка компанија" за изградба на центарот за податоци на површина од два хектари - во близина на технолошкиот универзитет во Лулеја.

Центарот ќе се состои од три хали, кои ќе бидат изградени за три години и ќе чинат 760 милиони долари.