Мобилните телефони имаат се повеќе корисни функции. Наскоро ќе станат и емотивни - на своите корисници ќе можат да ги држат за раце, нежно да им дуваат во врат, па дури и ќе ги бакнуваат...

ФАбијан Хемерт, истражувач на универзитетот по уметност во Берлин, го претставил својот прототип на новата генерација на мобилни телефони кои можат да ги извршуваат сите овие наведени работи.

Еден од прототипите е опремен со појас кој стимулира ракување чија јачина може да ја контролира вашиот соговорник oд "другата страна на жицата". Други поседуваат сензори кои ќе ви овозможат да почувствувате топол здив на својот врат додека нежно разговарате со вашата сакана личност.

Хемерт измислил и телефон способен да ве бакне. Всушност, мал влажен сунѓер ќе ја одигра улогата на усни, на барање на вашиот соговорник, кој ќе може да избере помеѓу бакнеж на образ или страсен бакнеж на усните.

Хемерт вели дека сака телекомуникацијата да ја направи емотивна така што телефоните ќе бидат во можност да го пренесат "чувството на блискост."

Луѓето кои ја тестирале оваа направа, ја опишале како "чудна" и "одвратна".

На Хемерт овие изјави не го обесхрабриле бидејќи, како што вели, "целта на овие прототипови е да покренат дебати за каков вид на комуникација сакаме во иднината".