Samsung Electronics синоќа во Хонг Конг го претстави својот нов смартфон Galaxy Nexus, првиот модел со новата верзија на оперативниот систем Android 4.0...

Android 4.0 пред се фокусиран е на комуникација и размена на содржини и нуди голем број на функции наменети за поедноставна манипулација.

Извршниот директор на Гугл, Енди Рубин рече дека Android е "Ice Cream Sandwich" демонстрација - иновација, која функционира на "телефоните, таблетите и се помеѓу нив", додавајќи дека опциите како што се Android Beam и Face Unlock ја покажуваат вистинските можности на Android 4.0.

Galaxy Nexus има двојадрен процесор од 1.2 гигахерци, 1 Гигабајт RAM меморија, батерија со капацитет од 1750 mAh и NFC чип. Доаѓа во верзија од 16 и 32 гигабајти, со bluetooth 3.0 и WiFi 802.11 опција.

Овој модел има две камери - на задниот дел од пет мегапиксели со LED блиц кој може да снима видео со содржини од 1.080p, а на предната од 1.3 мегапиксели со можност за користење на видео комуникација.

Galaxy Nexus на пазарот би требало да се појави во ноември, а цената сеуште не е објавена.