Компанијата Sony претстави „очила“ со два дисплеји кои на корисникот му овозможуваат да гледа тридимензионални слики...

HDM (head-mounted display) на компанијата Sony има два OLED екрани кои синхронизирано светат и со тоа создаваат 3D слика, а бидејќи се оддвоени, професионалците велат дека нема да предизвикуваат главоболка кај гледачите.

Главоболките настануваат кога двете слики кои ја прават 3D проекцијата се преклопуваат, но бидејќи овие два екрани се оддвоени, до преклопување не доаѓа.

Необичната „TV кацига“ претставена не еден саем за нова технологија во САД, а сега е пуштена и во официјална продажба во лондонската трговска куќа Harods, по цена од околу 600 евра.

Новото „чедо“ на компанијата Sony може да се вклучи во било кој 3D извор, како што се телевизори, конзоли за игрички и 3D Blu-Ray плеери.