Научниците од Сингапур откриле изненадувачки начин како да се употреби обичната кујнска сол...

Со нејзината помош, велат тие, можат да го зголемат капацитетот на хард дисковите до шест пати.

До фасцинантното откритие дошле во соработка со сингапурскиот институт за наука, технологија и истражување, универзитетот во Сингапур и институтот Data Storage. Тие рекле дека развиле процес кој може да ја зголеми густината на снимање на хард диск и до 3.3 терабита по инч, што е шест пати повеќе од денешната густина на снимање.

Ставањето на сол на хард дискот овозможува подобра прегледност на битовите, односно на создавање на наноструктури кои се помали од 4.5 нанометри, без потреба за скапо надоградување на опрема. Солта ја поправа резолуцијата и електроните кои се користат за принтање на битови, пишува The Telegraph.

Комерцијализација на новиот систем до 2016 година

"Солта ни овозможува многу посилен контраст. Сега можеме да ги видиме убавите линии, кои без сол беа замаглени", рекол Џоел Јанк кој го предводил истражувањето.

Јанг предвидува дека новиот систем за чување битови со помош на сол ќе биде комерцијализиран до 2016 година. "До тогаш ќе сегашните техники ќе станат застарени, а произведувачите на хард дискови ќе морат да пронајдат алтернативни методи за зголемување на капацитетот", заклучува Јанг.