Студент, кој по смртта на Стив Џобс внесел измени во познатото лого на компанијата Apple која ја основал Џобс, добил 200.000 пораки поддршка...

Во август, кога Стив Џобс се повлече од позицијата од местото извршен директор на компанијата Apple, Џонатан Мек (19) студент од втора година на графички дизајн на Политехничкиот универзитет во Хонг Конг, го ставил профилот на Џобс наместо гризнатото јаболко, на познатото лого на Apple.

По смртта на Стив Џобс, дошло до голем интерес за тој дизајн, а пораки почнале да пристигнуваат од целиот свет. Американските и германските медиуми веќе го контактирале Џонатан за да добијат право на логото.

Се претпоставува дека му стигнале и понуди за работа, но Џонатан сака прво да го заврши факултетот, па потоа да работи.

Тој планира да ги контактира Apple за да разговараат за правата на новото лого, со оглед дека неговиот дизајн во голема мера е инспириран со оригиналниот заштитен знак од компанијата која ја основал Џобс.

Доколку Apple и студентот постигнат договор, Мек вели дека сите пари ќе ги донира за истражување на ракот.