iPhone 4S има побрз процесор и графика и многу подобра графика со која можат да се снимат 1080p видео записи...
Иако очекувавме на крајот на конференцијата на Apple да се појави Стив Џобс и да го најави iPhone 5, тоа сепак не се случи.
Неговиот наследник, Тим Кук го претстави „само“ iPhone 4S кој ни донесува побрз процесор и графика, камера која има подобар 8 MP сензор и со која ќе можеме да снимаме 1080p видео записи и опција за гласовно управување со асистентот на Siri.
Новиот процесор сега е двојадрен, а за време на презентацијата Тим Кук напомена дека графиката на iPhone 4S е до седум пати побрза во однос на актуелниот модел, што посебно ќе ги развесели гејмерите. Со оглед на проблемте кои iPhone 4 ги имал со антената, екипата од Apple овој пат додатно се потрудила, па новиот модел ќе има две антени кои ќе овозможат поквалитетни повици и поголема брзина за сурфање по интернет - до 14,4 Mbps.
Фил Шилер од Apple посебно го пофали квалитетот на камерата со која ќе можеме да снимаме многу поквалитетни фотографии, а благодарение на новата верзија на iOS, камерата ќе можеме да ја движиме многу побрзо, директно со заклучениот екран. Подобрени се и видео можностите на новата камера, па iPhone 4S ќе може да снима видеа во Full HD (1080p) резолуција, а секој треба да ги пофали и опциите за стабилизација на сликата и остранување на шумот во видео записите.
Новост е и можноста за гласовно управување, наречена Siri, а се чини дека ќе може да се користи само на iPhone 4S, не и на постари модели. Преку Siri ќе „разговараме“ со iPhone - потребно е само да се постави прашање - како, на пример, какво ќе биде времето, пронајди ми одреден ресторан, договори состанок и слично и iPhone сето тоа ќе го направи и ќе ви ги даде одговорите.
Исто така, покрај тастатурата на iPhone сега ќе се наоѓа и ознака за микрофон така што, наместо куцање на мејлови и SMS, ќе можеме да ги изговараме, а iPhone ќе ги конвертира во текст. iPhone 4S на пазарот ќе се појави на 14 октомври по цени од 199 долари за моделот со капацитет 16GB, 299 долари за 32GB моделот, а во продажба ќе биде и модел од 64GB кој ќе чини 399 долари.
Како што порано можеше да се прочита, ќе може да се купи и постариот модел iPhone 4 со 8GB flash меморија и неговата цена ќе изнесува 99 долари, додека iPhone 3GS ќе може да се набави - бесплатно. Се разбира, овие цени се однесуваат само на пазарот во САД и со потпишување на двогодишен договор.
