Од сега на Google мапите, рутата која планирате да ја патувате, можете да ја видите и од птичја перспектива. Новиот 3D приказ наречен е "поглед од хеликоптер", а на корисниците им го олеснува планирањето на патувањето...

Новата опција им овозможува на корисниците да "летаат" и да ја гледаат рутата која ги очекува, без оглед на тоа дали ќе го користат автомобилот, велосипедот, или ќе одат пеш.

Користењето е лесно: доволно е да ги внесете координатите кои се однесуваат на почетната и крајната дестинација, а копчето за нова 3D опција ќе ви понуди поглед од хеликоптер.

"Погледот на мапата автоматски ќе почне да лета долж поставената рута", се објаснува во блогот на Google инжинерот, Пол Јанг.

Ако не ви се допадне оваа нова опција, можете секогаш да се вратите на стандардниот дво-димензионален приказ со кликнување на 2D копчето на левата страна од панелот.