Mozzilla ja лансирала новата верзија на својот навигатор Firefox 7, a Microsoft верзијата 7.5 од својот оперативен систем за мобилни телефони Windows Phone 7 - Mango...

Firefox 7 ја оптимизира употребата на меморија и треба да обезбеди побрзо сурфање на интернет.

"Седмицата" пристигна само шест недели по објавувањето на Firefox 6, поради што многу сметаа дека станува збор само за промени од "козметичка природа", но во Mozzillа велат дека има неколку значајни новини со кои значително побрзо се стартува програмата, како и вчитувањето на страниците.

Дали е тоа така, проверете сами.

А кои новини ги вовел Microsoft во верзијата 7.5 од својот оперативен систем за мобилни телефони Windows Phone - Mango?

Од компанијата велат дека на корисниците ги очекуваат повеќе од 500 нови функции и новитети.

Покрај претходно интегрираните Facebook и  Windows Livе, новиот Mango има и Linkedin и Twitter. Исто така, додека ги листате контактите можете да ги погледнете и нивните статуси на социјалните мрежи.

Дизајнот е помодерен, а тоа овозможува подобар увид во апликациите кои ги има 30 илјади. Една од позначајната новина е опцијата App Multitasking која овозможува користење на повеќе апликации истовремено. Исто така овде се и Visual Voicemail и Internet Sharing.