Логото на Google од утрово "седи" на стол на кој се наоѓа роденденска торта и свеќи, опкружен со баони и поклони. Така најпопуларниот интернет пребарувач го слави својот 13-ти роденден...

Google за прв пат се појавил под името BackRub, а идејата за пребарувачот ја развиле во 1997 година тогашните студенти на универзитетот Стенфорд во Калифорнија - Лери Пејџ и Сергеј Брин.

Денес Google и неговата страница You Tube, Okrut и Gmail имаат милијарда корисници што е повеќе од страниците на Мајкрософт (905 милиони посетители), Јаху (689 милиони посетители), па дури и на Фејсбук (713 милиони посетители).

Google сега постои во повеќе од 100 јазици и покрива две третини од глбалното интернет пребарување на пазарот, а компанијата се обидува да се прошири на други области од светската мрежа.

Google неодамна купи компанија за производство на софтвер за мобилни телефони "Motorola Mobility".

Меѓутоа претседателот на Google, Ерик Шмит неодамна сведочел пред конгресот на САД поради наводите дека компанијата манипулирале со резултатите од пребарувањето на интернет да ги промовираат своите веб сајтови и услуги.