Sony на Саемот на видео игри во Токио, кој се одржува од 15 до 18 септември, ја претстави својата нова конзола PlayStation Vita...

Vita би требало да се најде на јапонскиот пазар за време на празникот кој се прославува на крајот од годината, поточно на 17 декември, а на останатите пазари ќе се појави во почетокот на 2012 година.

Лансирањето на пазарот ќе биде пропратено со импресивна листа од 26 игрички. Проблем во продажбата би можела да претставува, како што истакнаа аналитичарите, малата автономија на работа на уредот (три до пет часа за време на играње со деактивирање на бежичната врска WiFi, 3G и bluetooth и користење на аудио слушалки) како и цената на неговата ммеориска картичка - картичка од 4GB ќе чини околу 20 евра и брзо ќе се полни, а од 16 и 32 GB - 50, односно 90 евра.

Времето на полнење на батеријата изнесува два часа и 40 минути.

Sony PlayStation Vita со WiFi врска ќе биде продаван по цена од 250 евра, а со 3G врска од 299 евра на која треба да се додаде претплата кај телефонскиот оператор за да може да се користи 3G мрежата.