Tajванскиот HTC поднел нова тужба против компанијата Apple поради кршење на права на заштитените патенти...

Тужбата се однесува на патенти кои HTC минатата недела ги купи од компанијата Google, а случајот е покренат пред американската комисија за меѓународна трговија.

Тајванската компанија тврди дека Apple компјутерите и преносливите уреди содржат технологија на безжично поврзување и комуникација меѓу процесорите на кои право има само HTC.

"Ја превземаме оваа акција против компанијата Apple да го заштитиме својот интелектуален имот, своите партнери, и што е најважно, своите купувачи кои користат HTC телефони", соопштила тајванската компанија.

HTC не е единствениот произведувач на смартфони кој води вистинска битка против компанијата Apple. Самсунг исто така има правен спор со американската компанија.

Apple тврди дека Самсунг го ископирал дизајнот и изгледот на iPhone и iPad. Јужнокорејската компанија одговорила со тужба поради кршење на правата на своите безжични патенти.