Судот во Холандија го забрани продавањето на Samsung Galaxy Tab уредот во Холандија и сите земји на Европската унија во кои Apple го има заштитено овој патент...

Судот утврдил дека Samsung ја копирал технологијата чиј творец е компанијата Apple, а која се однесува на прикажување на фотографии на мобилните уреди со екрани чувствутелни на допир.

Станува збор за патентот EP 2059868, а ембаргото влегува во силa во наредните седум недели.

Судот отфрли неколку други тужби на сметка на Samsung, меѓу кои е и таа која се однесува на дизајнот на уредот. Имено, Apple ја оптужува фирмата Samsung дека им ги краде дизајнерските идеи.

Покрај ембаргото, во Samsung ја поздравија одлуката на судот: „Денешната пресуда е потврда дека Glaxy асортиманот е иновативен и препознатлив.“

Apple на почетокот од август успеа да го забрани продавањето на Galaxy Tab во сите земји од Европската унија, освен во Холандија.