Компанијата Сони Ериксон претставила Android смартфон Sony Ericsson Live with Walkman, кој овозможува брз пристап на музички плеер, но и на социјалната мрежа Фејсбук...

Телефонот кој работи на најновата Android платформа Gingerbread 2.3, ќе биде достапен на одредени пазари во светот на четвртиот квартал оваа година.

Infinite опцијата овозможуа брз пристап до нови содржини за омилени изведувачи, како што се музички спотови, информации за изведувачи и претрага за текстови на песни, а Qriocity овозможува пристап на музички и видео содржини кои ги нуди Сони.

Заоблениот дизајн на телефонот има големина од 3.2 инчи и силен процесор од 1Гигахерц. Предната камера овозможува Skype видео повици, а камерата од пет мегапиксели на задната страна може да снима во HD формат.

Директорот на маркетинг производи во компанијата Сони Ериксон, Николас Шерер навел дека корисниците сакаат смарт телефони кои обезбедуваат богато искуство на социјалните мрежи.

"Наместо еднодимензионално музичко доживување, тие сакаат брз и совршен пристап до нови објекти, во комбинација со можноста да се споделуваат содржини и да се поврзувате со пријатели", рекол Шерер.