Американската компанија Apple планира да изгради ново седиште кое по површина ќе биде поголемо од Пентагон, главниот штаб на американското министерство за одбрана...

Властите на американскиот град Купертино, каде што се наоѓа седиштето на најпознатата светска ИТ корпорација, јавно го претставиле проектот на компанијата Apple за изградба на ново седиште.

Иако веста за плановите за изградба на овој објект се појавиле во јавноста уште во јуни, дури пред неколку дена се објавени детални планови и конечниот изглед на објектот, за кој е заслужна проектантската куќа Foster + Partners.

Идејата е комплексна и ќе биде со кружен изглед, кој потсетува на вселенски брод. Проектот вклучува работни простории и истражувачки центар на околу 300.000 квадратни метри, амфитеатар со 1000 места за седење, ресторан, фитнес центар и централен парк.

Според официјалното соопштение, Apple планира да се пресели во овој објект до крајот на 2015 година.