Американската компанија IBM соопшти дека создала револуционерен чип, кој го копира функционирањето на човечкиот мозок, кој ќе може да помогне во создавање на компјутери, способни да учат од сопствени искуства...

Овој нов вид на компјутери ќе конзумираат значително помалку енергија и ќе бидат многу покомпактни од сегашните машини. "Когнитивните" компјутери, создадени со овие чипови, нема да се програмираат на ист начин како традиционалните компјутери денес.

"Тие повеќе ќе треба да учат од сопствените искуства, да наоѓаат сооднос, да формираат хипотези и да учат од резултати, на тој начин ќе ја имитираат флексибилноста на човечкиот мозок", додаваат од IBM. Веќе се произведени два прототипа на овој чип и во моментов се одржуваат тестови, прецизира американската компанија.