Британецот Метју Џејмс (14) е роден без лева рака. Сега има вештачка, и тоа најдобрата на светот...

Кога Метју Џејмс му испратил писмо на Рос Браун, водечкиот човек во тимот Mercedes GP, кој се натпреварува во шампионатот F1, во кое го моли парично да му помогне да набави вештачка рака, не ни помислувал дека ќе добие повеќе од 40.000 евра.

Во тоа писмо, момчето за возврат понудило доживотна реклама на компанијата Mercedes, така што на неговата вештачка дланка би било испишано логото на компанијата, како она на формулите во F1.

Раководителствотот на Mercedes било трогнато од писмото на Мајк, и решиле да му помогнат и тоа заедно со компанијата Touch Bionics, која за момчето ја направи најсовремената вештачка рака на светот.

Не само што Метју сега може да држи пенкало и да црта и пишува, туку може да врзува јаже, фаќа топка и слично.

Неговата рака има две електоди кои ги детектираат електричните импулси на мускулот од долниот дел на раката, кои одат во мини-компјутер кој се наоѓа во дланката и кој ги толкува пораките и ги претвара во движења.

И тоа не е се. Вештачката дланка на Метју има мали мотори во секој прст кои овозможуваат независно движење. Тука е и Bluetooth-от, така што раката може да се поврза со компјутер.

Раката е заштитена со алуминиумска навлака која може да издржи тежина до 90 килограми.

Метју добил уште нешто од Mercedes - шанса да го запознае нивниот главен F1 возач - Шумахер.