Група научници од универзитетот Клемсон во Јужна Каролина, САД, развиле уред во вид на часовник кој ги брои залаците и го пресметува бројот на внесени калории...

Уредот BC (Bite Counter) ги брои залаците со следење на движењето на зглобот на раката за да се утврди во кој момент конзумирачот земал залак храна, а потоа ги пресметува внесените калории земајќи го во обѕир бројот на регистрираните залаци, со примена на формулата слична на онаа која ја користат уредите за физички вежби за пресметување на согорените калории за време на одреден физички напор.

Творците на новиот уред наведоа дека точноста на добиените резултати изнесува 90%. Тоа им овозможува на корисниците да знаат кога треба да престанат со конзумирање на храна.

Уредот BC чини околу 800 долари.