Новата социјална мрежа Google + додаде игри на понудените услуги, вклучувајќи ја исклучително популарната Angry Birds, во борбата да го помести Фејсбук како центар на онлајн социјалниот живот...

"Сакаме да ја направиме играта онлајн толку забавна и исто толку значајна, колку играта во реалниот живот", рекол потпретседателот за инжинерски прашања на Google, Вик Гундотра на својот блог.

"Кога сте подготвени да играте, страницата Games ве чека". Покрај глобалната сензација Angry Birds, меѓу првите предлози во Google + се и Bejeweled Blitz, Zynga Poker, и Dragon Age Legends.

Google ја создаде покасно својата социјална мрежа, но новиот сајт Google + израсна толку брзо, што собра над 10 милиони корисници по отварањето на 28 јуни.

Facebook се уште има сериозна предност со вкупно над 750 милиони членови ширум светот. Игрите се меѓу најпопуларните забави на Facebook.

Производителите нагласуваат дека еден од главните предности на Google + пред конкуренцијата е можноста онлајн контактите да се разделат во различни "кругови", како и тоа што информациите можат да се делат само со членовите на одреден круг. На Фејсбук, новите пораки во принцип се делат со сите онлајн "пријатели".