Јапонски истражувач измислил сферно беспилотно летало за набљудување, кој може да лета по тесни улици, да лебди во место, да слета вертикално и да се тркала по земјата...

Леталото Spherical Air Vehicle е со црна боја и ги има димензиите на топка за на плажа. Целта му е да пренесува слика од камера во реално време. Леталото се движи со перка заштитена од сферичен штит со големи отвори за воздух.

Тоа значи дека судирот со ѕид или тркалање по земјата нема да го оштетат. Истражувањата за усовршување му продолжуваат, но пронаоѓачот се надева дека леталото ќе може да се користи за следење на сообраќајот или за следење на цел низ прозорец.

Целта му е исто така да помага во спасувачки операции во зони на катастрофа, каде што ќе може да влезе во згради, па дури и да се тркала по скали.