Победникот ќе добие награда од 200 илјади долари...

Мајкрософт започна трка, во која нуди големи награди за создавање на иновативни тактики за одбивање на хакерски напади.

Американскиот софтверски гигант го започна првото издание на трката BlueHat Prize за време на конференцијата за компјутерска безбедност Black Hat во Лас Вегас.

Со овој потег софтверскиот производител понудува награди за развој на заштита од сајбер напади, наместо едноставно да плаќаат "по парче" на оние кои откриле индивидуални компјутерски бубачки.

BlueHat ветува повеќе од 250 илјади долари во кеш и други награди на компјутерски генијалци над 14-годишна возраст. Темата на првото издание на натпреварот е заштита од хакерски напади кои ја користат слабоста во компјутерската меморија.

Кандидатите ќе бидат оценувани од внатрешно жири. Победникот ќе добие награда од 200 илјади долари, а вториот на табелата 50 илјади долари. Третото место ќе биде наградено со услуги на Мајкрософт во вредност од 10 илјади долари.

Победниците на конкурсот ќе бидат објавени на следното издание на Black Hat во 2012 година.