Мозила работи на развој на оперативен систем за мобилни телефони и таблети...

Новиот проект на фондацијата Мозила која стои за прелистувачот Firefox развива оперативен систем за мобилни уреди, кои делумно ќе се засноваат на Андроид, пренесува БиБиСи. Но, кога ќе биде завршен, оперативниот систем на Мозила веројатно ќе стане сериозна конкуренција на другите мобилни оперативни системи.

Тимот кој работи на проектот вели дека, во согласност со политиката на фондацијата Мозила софтверот ќе биде слободен, а делови од кодот ќе бидат објавени штом ќе бидат напишани.

Проектот Boot To Gecko (B2G) го надгледува тимот кој работил на Firefox, а новоста е на официјалниот вебсајт ја објавил Андреас Гал.

Новото дело од Мозила делумно ќе се заснова на Андроид, но кориснички интерфејс ќе биде поинаков, а системот во секој случај ќе биде поотворен од Андроид.

Ако проектот е успешен, тоа ќе биде уште еден сериозен "играч" во острата конкуренција која ја прават Андроид и Хром од компанијата Google, Apple iOS и Microsoft Windows Mobile 7.